DITËT E ARSIMIMIT MEDIATIK 2023

Në periudhën 24-31 tetor, Rrjeti për Arsimim Mediatik organizoi “Ditët e Arsimimit Mediatik 2023”, me të cilin festoi një përvjetor të vogël, edicionin e 5-të të ngjarjes më të rëndësishme kombëtare për mobilizimin e qytetarëve, institucioneve arsimore, organizatave qytetare, mediave dhe institucionet shtetërore, dhe për të rritur ndërgjegjësimin për rëndësinë e arsimimit mediatik dhe informativ.

“Ditët e Arsimimit Mediatik 2023” u mbajtën nën moton: “GISHTI I SHPEJTË, SJJELL LAJME TË RREME”, me një numër të madh ngjarjesh të ndryshme, përmes të cilave Rrjeti kontribuoi në kremtimin e Javës Globale të arsimimit mediatik dhe informativ të organizuar nga Aleanca për median dhe arsimim mediatik dhe informativ të UNESCO-s. Këtë vit tema e DAM-së ishte: “Arsimimi mediatik në hapësirat dixhitale” dhe, si zakonisht, ajo rrjedh nga tema e Javës Globale.

Gjatë ditëve të DAM 2023 aktivitetet e tyre i realizuan edhe shumë anëtare të Rrjetit për arsimim mediatik: Fondacioni Metamorfozis, Instituti Maqedonas për Media, Instituti për Studime të Komunikimit, Shoqata e Gazetarëve, Këshilli për Etikën në Media, Instituti RESIS, Forumumi I edukimit të të rinjëve dhe Radio MOF, Projekti i USAID-it “Të rinjtë mendojnë” i drejtuar nga IREX dhe Agjencia e Shërbimeve Mediatike Audio dhe Audiovizuele. Paralelisht me programin e ngjarjeve, Transmetuesi Publik MRT pasuroi përmbajtjen e tij programore me disa emisione kushtuar temës së arsimimit mediatik dhe shpesh herë transmetonte njoftimet për mbajtjen e manifestimit. Rolin e përkrahësit mediatik të ngjarjes e ka marrë edhe agjencia e lajmeve MIA me një sërë artikujsh për ngjarjet, ndërsa informacione kanë publikuar edhe mediat online portalb.mk, vistinomer.mk dhe meta.mk. Mbështetje në organizimin e disa prej ngjarjeve ka dhënë Delegacioni i Bashkimit Evropian dhe Qendra Presidenciale për Arsimim Politik.