Ekipi i projektit “Me mendimi kritik për qytetarët me aftësi mediatike – KriThink” në sinergji me projektet e tjera të Metamorfozis – shërbimi i verifikimit të fakteve Vistinomer.mk, iniciativa rajonale për të luftuar dezinformatat ndërkufitare në Ballkan të udhëhequr nga Agjencia e Lajmeve Meta.mk dhe portali i ri në shqip Portalb.mk, përqendruan përpjekjet e tyre në promovimin e të menduarit kritik dhe arsimim mediatik duke ekspozuar fluksin e dezinformatave dhe manipulimeve mediatike në lidhje me pandeminë KOVID-19, si dhe për të bërë informacionin e konfirmuar mbi temat shëndetësore më të arritshme për qytetarët nga burimet zyrtare dhe nga OBSH. Vistinomer është një anëtar i certifikuar i Rrjetit Ndërkombëtar të Verifikimit ë Fakteve (IFCN) dhe është i përfshirë drejtpërdrejt në përpjekjet e tij për të adresuar këtë çështje në nivel global.
Për t’iu ofruar qytetarëve të Maqedonisë së Veriut qasje të lehtë në të gjithë përmbajtjen në lidhje me dezinformatat dhe manipulimet rreth koronavirusit, Metamorfpzis ka krijuar një faqe të veçantë në gjuhën maqedonase (https://crithink.mk/dezinformaczii-i-manipulaczii-za- noviot-korona-virus- kovid-19/) dhe në shqip (https://crithink.mk/sq/pasqyre-e-dezinformatave-dhe-manipulîmê-per-koronavirusin-e-ri-kovid-19/) si një burim publik që përditësohet vazhdimisht me lidhje me informacione të reja dhe përmbajtje edukative. KryThink zbatohet nga Fondacioni Metamorfozis dhe Eurothink me mbështetje financiare nga Bashkimi Evropian, dhe Vistinomer dhe përpjekjet për dezinformimin rajonal mbështeten nga National Endowment for Democracy.