Во рамки на Деновите за медиумска писменост 2024, Фондацијата Метаморфозис на 1 ноември ќе одржи вебинар на тема „Дезинформации на Западен Балкан: Трендови, предизвици и одговори“. Вебинарот ќе се одржи од 13:00 до 14:00 часот онлајн и на истиот може да се пристапи преку линкот https://antidisinfo.net/webinar-disinformation-in-the-western-balkans-trends-challenges-and-responses/.
Во Радио Моф во рамки на Деновите за медиумска писменост 2024, на 1 ноември од 10:00 до 14:00 часот ќе се одржи отворен медиумски ден. Сите заинтересирани млади имаат можност да дојдат, влезат и ѕирнат во редакцијата на Радио МОФ, да ги запознаат новинарите и уредништвото, но и да дознаат како се „готви“ новинарскиот производ.…
На 1 ноември од 12:00 до 14:00 часот, во Europe House во Струга ќе се одржи работилница на тема „Паметно живеење во дигиталниот свет – можности и предизвици“. Настанот е во организација на Македонскиот институт за медиуми (МИМ) и Делегацијата на Европската Унија.
На 1 ноември со почеток во 11 часот, Комисијата за жалби на Советот за етика во медиумите на Македонија (СЕММ) ќе одржи отворена седница на тема „Предизвици за медиумската регулација“. Седницата ќе се одржи во просториите на Агенцијата за аудио и аудиовизуелни медиумски услуги.
Медиумските дејствија во постизборниот период, новинарскиот интегритет, објективното известување и следење на процесот за време на избори, потребата за градење на капацитети во новинарството за унапредување на професијата, беа дел од темите за кои се дискутираше на денешниот настан во рамките на Неделата на медиумска писменост, кој го реализираше Здружението на новинарите на Македонија (ЗНМ)…
Како се одвива воведувањето на медиумската писменост во наставните програми во основното образование и какви активности ќе се спроведуваат во средното образование беа некои од темите на конференцијата „Медиумската писменост во образованието“, што ја организираа Македонскиот институт за медиуми и ИРЕКС во рамки на Проектот на УСАИД за медиумска писменост „Младите размислуваат“. Во процесот на…
