Радио МОФ во склоп на Деновите на медиумска писменост 2023 организира Отворен ден, кој ќе се одвива во петок, 27 октомври од 10 до 12 часот. Сите заинтересирани млади имаат можност да дојдат, влезат и ѕирнат во редакцијата на Радио МОФ, да ги запознаат новинарите и уредништвото, но и да дознаат како се „готви“ новинарскиот производ. Притоа, кој сака може да се испроба и како водител на подкаст во радиото.
Исто така, присутните ќе слушнат како овој мал интернет медиум стартуваше од група ентузијасти во една куќа во Кисела Вода, а потоа низ годините стана гласило на заедницата, постојано третирајќи теми за човекови права, маргинализирани заедници, активизам, супкултура, квалитетно образование или хумано живеење.
