МИМ

Кампања на МИМ за унапредување на медиумската писменост

Македонскиот институт за медиумите продуцираше седум видео и три радио спотови во рамки на кампањата за унапредување на медиумската писменост.  Целта на кампањата е граѓаните да научат критички да ги гледаат, анализираат и проценуваат пораките коишто доаѓаат од различни медиуми, со цел подобро да се информираат и поангажирано да учествуваат во општествените процеси.

Главен лик во кампањата е доктор Драган, експерт – манипулатор, кој преку претставување на најчестите техники за манипулирање што може да ги користат медиумите, се обидува да ја поттикне публиката да ги анализира, препознава и деконструира евентуалните манипулации во медиумските содржини.

Кампањата е продуцирана во рамки на проектот „ReForMedia – Унапредување на соработката меѓу граѓанското општество, институциите и граѓаните за спроведување реформи во медиумската сфера“, што го спроведува Македонскиот институт за медиуми во партнерство со Мировниот институт од Љубљана, Словенија. Проектот е финансиран од Европската Унија.

Видео и радио спотовите се достапни на:

Радио кампања за медиумска писменост спот 1 MP3

Радио кампања за медиумска писменост спот 2 MP3

Радио кампања за медиумска писменост спот 3 MP3

Реформатор

Нов ТВ серијал „Во наше име “

„Во наше име” е ТВ серијал посветен на медиумската писменост кој е реализиран од Здружението за медиумска и комуникациска култура и граѓански права „Реформатор“, а се емитува во Вестите во 20.00 часот на ТВ 24 Вести, во текот на шест саботи почнувајќи од 25 ноември 2017 година,.

Целата на е проектот е граѓаните да се запознаат со процесот на создавање медиумски содржини за да се поттикнат критички да ги следат содржините кои медиумите ги пласираат и активно да се вклучат во нивно креирање при што ќе имаат улога на контролор на медиумите. Комуникациски експерти, професори, граѓански активисти и јавни личности, зборуваат за принципите кои треба да се почитуваат при информирање на јавноста на теми како говор на омраза, заштита на лични податоци, нарушување на право на приватност, јавен интерес наспроти интерес на публиката – таблоидизација на медиумите, заштита и безбедност на децата и малолетниците на интернет и што е медиумска писменост.

Реформатор го реализира овој серијал како добитник на грант преку проектот „Медиумска писменост во ера на наплив на информации: Коалиција за медиумска писменост”, што го спроведува Високата школа за новинарство и за односи со јавноста во соработка со Институтот за различности во медиумите од Лондон и весникот „Нова Македонија“ со финансиска поддршка од Европската Унија.

Досега емитуваните епизоди се достапни на:

visoka-skolaВисока школа за новинарство

Медиумската писменост преку зборовите на Медиана 

Високата школа за новинарство и за односи со јавноста продуцираше пет едукативни видеа во кои се обработуваат различни сегменти на медиумската писменост. Како главен лик е избрана младата ју-тјуберка Изабела Пан (Изабела Јакимовска), која во улога на Медиана, на еден симпатичен начин ги доловува основните концепти на медиумската писменост; советува како одговорно да се однесуваме во онлајн сферата, како да се детектираат лажни вести, што е (новинарска) вест, и секако – како може да ги употребиме медиумите за да направиме позитивна промена во општеството. Видеата се наменети првенствено за младата популација, но се интересни и за пошироката јавност, бидејќи се наменети за подигнување на свеста за прашања од јавен интерес

Видеата се изработени во рамки на проектот „Коалиција за медиумска писменост“ што го реализира Високата школа во соработка со Институтот за различности во медиумите од Лондон и весникот „Нова Македонија“, со поддршка на Европската Унија. Станува збор за следниве видеа:

Конеду Глобал
Метаморфозис

Авантурите на Јове и на албански јазик

Веќе познатите спотови на ЕАВИ за авантурите на момчето Јове, или Џек, низ медиумската писменост, се достапни и на албански јазик. Продуцирани се од страна на граѓанските здруженија Конеду глобал и Метаморфозис, со финансиска поддршка на Британската амбасада

Авaнтура во медиумска писменост – Албански 

За свесноста- Албански